Ni
Lourdes Sabino
Ang
pananampalataya ay isang bagay o saloobin ng isang tao na mahirap ipaliwanag.
Maaaring ito ay madaling sabihin subalit sa kabila ng mga bagay na nangyayari
sa iyong buhay ay mahirap tukuying kung ika'y sadyang nananampalataya.
Natutuhan ko ang
kahalagahan ng pananampalataya ayon sa pag-aaral namin ng "Faith and
Revelation." Ang pananampalataya ay
ang sagot sa mga inilahad ng Diyos para sa atin. Kung paano tayo tatangkilik sa kagustuhan ng
Panginoon. Higit sa lahat ay kung paano
tayo susunod sa kanyang banal na salita.
Natutunan ko rin
kung paano magtiwala sa kanyang mga salita at magtiwala sa lahat ng kanyang mga
nilalang. Naniniwala ako na ang buhay
natin ngayon ay kasalukuyang nasa kaganapan na ng kanyang pahayag.
Natutunan ko rin
na ang pananampalataya ay hindi bagay na itinatago o sinasarili. Ito ay dapat isinisiwalat o dapat ay ipina-aalam
sa komunidad dahil ang pananampalataya ay bigay sa atin ng Panginoon na dapat
lang nating ibahagi sa ating kapwa.
Ito ay hindi lang
basta paniniwala o iniisip na ikaw ay naniniwala, dapat ito ay may kasamang
gawa at pagdarasal. Hindi lang ulo ang
gagamitin kundi pati kamay at puso.
Ang pananampalataya
sa Panginoon ay siyang nagbibigay ng sapat na kaalaman kung paano mabuhay ng
mapayapa. Dahil sa pananampalataya natin sa kanya, tayo ay matututong sumunod
at makinig, matututo tayong magmahal ng tapat gaya ng pagmamahal nya sa atin. Sapagkat ang Diyos ay pag-ibig.
----------
Ang larawan ay kuha ni Art Barbadillo
No comments:
Post a Comment